| otapana ni wapaten. |
| minocak ni wapamawok. |
Nihe icinikatewina (M,W) / icinikatcikatewina (O) otapan acit minoc pitoc icinakono ickwani itasinihikana acit nohwe ka itotisketcik kekotc ka itotisketc pitoc itewetakono.
Nihe icinikatamowin otapan nama pimatisiweritakon minawa nihe icinikaciwewin minoc pimatisiweritakon. E nehirowimonaniwok ekote e ici nanakatcitakaniwoki icinikatewin / icinikatcikatewin e pimatisiweritakok kekotc aka e pimatisiweritakok.
Nihi icinikatewina / icinikatcikatewina pimatisiweritakon iteritakon e wirakaniwitcik awiniki, awesisak, mictikok acit kitikana. Minawa itewina eka ka pimatisiweritakok nihi posipirin icinikatewina / icinikatcikatewina e witcikateki kekocica. Aric e icinakok arimowewinik nama kiskeritakon kekwan wetci aispitcikatek arimwewin.
Micta mitcen nihi towihi itewina e nehirowimonanok aka e kiskeritakok nihe wetci itaniwok. Mitowi e witcikatek wikasia nama pimatisiweritakon aric nohwe arakapecakan , tapickakan, mitcikawin pimatisiweritakosiwok neki.
Nta natawa masinahikanik kitci ki nisotowinikatek e itewotakok icinikatewina / icinikatcikatewina nihe masinatew (A e pimatisiweritakok, I aka e pimatisiweritakok). Enkon nihi kicawatcihikana kitci kiskeritcikatek tan e itewotakok :
- NA (Nom Animé) : icinikatewin /icinikatcikatewin e pimatisiweritakok : icinikaciwewin
- NI (Nom Inanimé) : icinikatewin / icinikatcikatewin aka e pimatisiweritakok : icinikatamowin
- NAD (Nom Animé Dépendant) : icinikatewin / icinikatcikatewin ka pimatisiweritakok ka nicikeatisimikak : icinikaciwewin ka nicikeatisimikak
- NID (Nom Inanimé Dépendant) : icinikatewin / icinikatcikatewin aka ka pimatisiweritakok ka nicikeatisimikak : icinikatamowin ka nicikeatisimikak
- NAP (Nom Animé Participe ou Nominalisation) : ka wirawewotakok icinikaciwewin
- NIP (Nom Inanimé Participe ou Nominalisation) : ka wirawewotakok icinikatamowin
Enko ohwi notam icinikatewina / icinikatcikatewina ka takoki :
- NI composé (Nom composé Inanimé) : notam icinikatamowin
- NA composé (Nom composé Animé) : notam icinikaciwewin
Kotc e itewotakok icinikatewina / icinikatcikatewina kecpin e mitceki papapitoc icinakona ickwanik itasinihikewina peikon kaie nihe ka arimomewetakok.